पूज्य गुरुदेव श्रीनिवासजी हे श्रीविद्या अखंड महायोग संप्रदायाचे वर्तमानातील आचार्य आहेत. या ग्रंथामध्ये श्रीविद्या, महायोग आणि अखंड महायोग या आध्यात्मिक परंपरांचा सखोल परिचय करून देण्यात आला आहे.

श्रीविद्या म्हणजे काय? महायोग म्हणजे काय? अखंड महायोग आणि खंडयोग यांमध्ये नेमका गुणात्मक फरक कोणता आहे? तसेच या संप्रदायाची तात्त्विक आणि सैद्धांतिक भूमिका काय आहे, याचे स्पष्ट आणि सुसंगत विवेचन या ग्रंथामध्ये केले आहे.

वर्तमान श्वेतवाराह कल्पामध्ये या संप्रदायाचे आद्य प्रवर्तक आणि प्रमुख आचार्य म्हणून भगवान श्री दक्षिणामूर्ती यांचे स्थान आहे. भगवान दक्षिणामूर्तींपासून सुरू झालेली ही दिव्य परंपरा आद्य शंकराचार्यांपर्यंत अखंडपणे प्रवाहित झाली. पुढे भगवान आद्य शंकराचार्यांनी नऊ गृहस्थाश्रमी आणि पाच ब्रह्मचारी शिष्यांना आचार्यपदावर नियुक्त केले. हे आचार्य कोण होते आणि त्यांच्यामार्फत ही परंपरा पुढे कशी विकसित होत गेली, याचा सविस्तर ऐतिहासिक आढावा या ग्रंथामध्ये दिला आहे.

या परंपरेचा प्रवाह पूज्य गुरुदेव श्रीनिवासजी यांच्यापर्यंत कसा पोहोचला, तसेच त्यांना ब्रह्मचारी आणि गृहस्थाश्रमी आचार्यांकडून कशा प्रकारे अनुग्रह प्राप्त झाला, याची माहितीही या ग्रंथातून वाचकांना मिळते.

प्रत्येक साधकाने आपल्या साधनेची दिशा अधिक स्पष्ट होण्यासाठी संप्रदायाचे सिद्धांत आणि त्याचा इतिहास समजून घेणे आवश्यक आहे. हा ग्रंथ साधकाला केवळ परंपरेची माहिती देत नाही, तर त्या मागील आध्यात्मिक तत्त्वज्ञान आणि गुरु-शिष्य परंपरेचे महत्त्वही समजावून सांगतो.

याच विषयाचे विवेचन पूज्य गुरुदेवांनी इंग्रजी भाषेतूनही स्वतंत्रपणे केले आहे. मराठी आणि इंग्रजीतील हे दोन्ही ग्रंथ स्वतंत्र स्वरूपाचे असून, ते एकमेकांचे केवळ भाषांतर नाहीत; प्रत्येकामध्ये विषयाचे स्वतंत्र आणि वैशिष्ट्यपूर्ण मांडणी करण्यात आली आहे.