‘श्रीएकाक्षरीगणेशयंत्ररहस्यप्रकाश’ हा पूज्य श्री गुरुदेव श्रीनिवासजींनी रचलेला एक अत्यंत गूढ, आध्यात्मिक आणि उपासना मार्गदर्शक ग्रंथ आहे. या नूतन पुस्तिकेच्या माध्यमातून पूज्य श्री गुरुदेवांनी श्री एकाक्षरी विघ्नेश्वर वरदविनायक गणेशाच्या शास्त्रोक्त यंत्रोपासनेचे आजवर अप्रकाशित असलेले यथार्थ आणि रहस्यपूर्ण ज्ञान साधकांसाठी प्रकट केले आहे.

या ग्रंथामध्ये गणेश यंत्राचे आध्यात्मिक महत्त्व, यंत्रोपासनेमागील गूढ तत्त्वज्ञान, देवतोपासनेमध्ये यंत्रपूजनाचे स्थान आणि त्याची शास्त्रोक्त उपासना पद्धती यांचे सविस्तर विवेचन करण्यात आले आहे.

यंत्र हे केवळ रेखाचित्र किंवा पूजेचे बाह्य साधन नसून, ते देवतेच्या दिव्य तत्त्वाचे साक्षात् प्रतीक आणि सूक्ष्म ऊर्जेचे केंद्र मानले जाते. साधकाला देवतेच्या तत्त्वाशी एकरूप होण्यासाठी यंत्रोपासना एक प्रभावी आध्यात्मिक माध्यम ठरते.

या यंत्रामध्ये अंतर्भूत असलेल्या गूढ तत्त्वांचा आणि त्याच्या उपासना प्रक्रियेचा पूज्य श्री गुरुदेवांनी अत्यंत सुलभ आणि स्पष्ट पद्धतीने उलगडा केला आहे.

‘श्रीएकाक्षरीगणेशयंत्ररहस्यप्रकाश’ हा ग्रंथ भगवान श्री गणेशाच्या उपासकांसाठी, यंत्रसाधनेची जिज्ञासा असणाऱ्या साधकांसाठी तसेच देवतोपासनेतील सूक्ष्म रहस्य समजून घेऊ इच्छिणाऱ्या प्रत्येक भक्तासाठी एक अमूल्य मार्गदर्शक ठरेल.