आश्विन अमावस्येच्या पावन दिवशी आपण सर्वजण श्रद्धाभावाने महालक्ष्मी पूजन करतो. या पूजनाचा विधी सर्वसामान्य भक्तांना सहज करता यावा आणि त्यामागील आध्यात्मिक भाव समजून घेता यावा, या उद्देशाने पूज्य गुरुदेवांनी अत्यंत सुलभ, शास्त्राधिष्ठित आणि प्रभावी असा श्रीमहालक्ष्मी पूजनविधी उपलब्ध करून दिला आहे.

या ग्रंथामध्ये माता श्रीमहालक्ष्मी तसेच तिच्या परिवार देवतांचे आवाहन, पूजन आणि उपासनेची पद्धत अत्यंत स्पष्ट व क्रमबद्ध रीतीने सांगितली आहे.

श्रद्धा, भक्ती आणि शुद्ध भावनेने केलेली महालक्ष्मी उपासना साधकाच्या जीवनात समृद्धी, मंगलता आणि आध्यात्मिक समाधानाचा अनुभव देणारी ठरते. हा पूजनविधी प्रत्येक भक्ताला दीपावलीतील लक्ष्मीपूजन अधिक अर्थपूर्ण, शास्त्रशुद्ध आणि भावपूर्ण पद्धतीने करण्यासाठी उपयुक्त मार्गदर्शन करतो.